( وجع عراقي ):( شعر شعبي) بقلم الشاعر مجيد الجميلي
================================= د / ا / دا / ر / دار =========== طلاب احنا وجنّا ازغار وتعلمنا نقرة ونكتب وتقدمنا وصرنا كبار وتنوّرنا صارت عدنا هوايه افكار فتحنا عيون اعلى الدنيا وافهمناها ونفهم شتكول الاخبار ناس التتعامل بالطيبة وناس اشرار دارت دنيانا بلارحمة لاضل بيت اليحوي البسمة ولاضل جار ولاضلت خوة ولاغيرة وكلها انباعت بالدولار آه ولوعة \\ وحصرة ودمعة والناس تلوب ومحتارة ومحد يعرف شنو الصار راحت عشرتنه وخوتنا وتمادى الموت بديرتنا ومن عكب الطيبة ولمتنا تشتتنا وصارت طشار وبسم الدين // انذبح الدين والباكو صاروا تجار الطف الطف ياستار @@@ د / و / دو/ ر/ دور ============ اسكت لاتكشف مستور بايع لنكة اباب الشرجي بالقدرة واصبح دكتور يتحدث بالحيث وسوفَ يدمج شاطر بالمشطور والعالم يركض ع العيشة ومتحمل كلشي ومجبور شايل هم الدنيا وحاير ويدردم وحدة ومقهور والّي يتجاسر لو ويسأل خلولة العبوة بتنور هاي الحرية الجابوها وصارت حصّة ودك ع الكصّة دكتاتور وراح وولى والكل اصبح دكتاتور وبلاية حساب وباكوها من اربيل لحد الهور وطن توزع بالحرية واصبح للغربان قصور والي ماخان بموطنا ضل دايخ ويلف ويدور والمسكين ينام بحصرة ويكل للقاتل مشكور الايتام تروح تجدي وتطلب عونة من الميسور والباك الخيرات يعمّر محفوظ بحراس وسور @@@@ ولااسولف . لتسولفلي لااكول شلون ولتكلي بلد وضاعت \\ كلها انباكت بس رايد منك تسألي الى متى يبقى البعير على التلِِّ ؟؟
------------------------------
الشاعر مجيد الجميلي/ بغداد/ في / 2016/9/7  |
السبت، 17 سبتمبر 2016
( وجع عراقي ):( شعر شعبي) بقلم الشاعر مجيد الجميلي / بغداد/ في / 2016/9/7
الاشتراك في:
تعليقات الرسالة (Atom)
ليست هناك تعليقات:
إرسال تعليق